سفرموره سفرموره دیده مه
سفرموره سفرموره دیده مه
ازی کوه و کمر موره دیده
گوسپون اله گگ نذری سفرشی
سفرشی بی خطر،موره دیده مه!
***
ازی آغیل خاو رویای مه موره
ازی قریه همه دنیای مه موره
دلمه دریای خونه چیم مه چیشمه
ازی چشمه کلان دریای مه موره!
***
مثل دریای طوفانیه دل مه
مثل گوسپون قربانیه دل مه
گل و بلبل و فصل بار مه تیرشد
آوور باریشه،خزانیه دل مه!
***
آوور مه چومه،زمستان مه پیشه
کوه و صحراودشتستان مه پیشه
چراغ خانه مه سفر راییه
روزای سخت پریشان مه پیشه!
***
پریشانوم پریشانوم سخی جان
مثال شار ویرانوم سخی جان
آتش ده دل مه واره شوله وروم
آووروم،چنگوم،طوفانوم سخی جان!
***
ده ای روزا گرفته یه صدای مه
نامالومه اول و انتهای مه
پس نماز دعا کدوم که شاید...
قبول نکرد امو نامرد خدای مه!
***
نمیرسه ده خدا امشو صدای مه
ندره هیچ کس ده ای روزا هوای مه
دست مه کوت،پای مه کوتا،چه سازوم
ده دورایی تمام شد ماجرای مه!
***
از نحو دل ضمیر مای مه موره
از قصه عاشقی لیلای مه موره
قصیده و غزل،شعر و دوبیتی
ازشعرنیمایی نیمای مه موره!