فياض:
زواربخشوحمله خواني موکونه
ملاي ده سخنراني موکونه
ديده ده پيش ملايه خدايا
ازي مجلس مونه ماني موکونه
رضوي:
بادازسالاديده ره خاوديدم ما
ده خاواوره ده لب آوديدم ما
خيال شي ازسرمه برونموشه
روي شي ره مثل ماه نوديدم ما
فياض:
ازي خاواالي غدرببيني
ديده ره ده پيش چمبرببيني
موگن که خاووخط نصف ديداره
ده نصف ديگه هم دربرببيني
رضوي:
بااي بيتامره بيکار موکوني
عشقاي گينه ره بيدارموکوني
وقتي ديده ره ده يادم مياري
دل نازک مره اوگارموکوني
فياض:
مه قربان دل اوگارشيدي تو
مه قربان لاظه بيکارشدي تو
دلت اوگاروجرمت آشوقيه
مه قربان امي سرشار شيدي تو
رضوي:
دوبيتي هاي توخيلي آبداره
دل آشق شيده توبي قراره
توره ازياروديارتوجداکد
الهي ده خانه شي غم بباره
فياض:
جداگشتون يارازرديست بخته
جدايي ازديار،کوتوشي سخته
امي کوتو که ذره ذره موکشه
تمامشي ازجدال تاج وتخته